اسلام آباد، لاہور اور کراچی میں امریکی ویزا سروس عارضی طور پر معطل

پاکستان میں بڑھتے ہوئے سیکیورٹی خدشات کے باعث امریکی سفارتخانہ اسلام آباد سمیت لاہور اور کراچی کے قونصلیٹ جنرلز نے اپنی تمام ویزا سروسز عارضی طور پر معطل کر دی ہیں۔ سفارتی حکام کے مطابق، 6 مارچ 2026 تک طے شدہ تمام ویزا انٹرویوز اور اپائنٹمنٹس منسوخ رہیں گی۔ یہ اقدام احتیاطی طور پر کیا گیا ہے تاکہ عملے اور درخواست گزاروں کی حفاظت کو یقینی بنایا جا سکے۔ حکام کا کہنا ہے کہ سیکیورٹی صورتحال کا مسلسل جائزہ لیا جا رہا ہے اور حالات معمول پر آتے ہی سروسز بحال کر دی جائیں گی۔