امریکا کا لاہور اور کراچی قونصلیٹ کے غیر ضروری عملے کو پاکستان چھوڑنے کا حکم

امریکہ اور ایران کے درمیان میزائل اور ڈرون حملوں کے بڑھتے ہوئے خدشات کے پیشِ نظر، امریکی سفارت خانے نے پاکستان میں اپنے قونصل خانوں کے لیے ہنگامی ہدایات جاری کر دی ہیں۔ اعلامیے کے مطابق، لاہور اور کراچی میں تعینات غیر ضروری اور غیر ہنگامی عملے کو فوری طور پر پاکستان سے روانہ ہونے کا حکم دیا گیا ہے۔

امریکی سفارت خانے کا موقف ہے کہ یہ اقدام خطے کی موجودہ غیر یقینی صورتحال اور ممکنہ حملوں کے خدشات کے پیشِ نظر عملے کے تحفظ کو یقینی بنانے کے لیے اٹھایا گیا ہے۔ تاہم، وفاقی دارالحکومت اسلام آباد میں امریکی سفارت خانہ اپنی موجودہ حیثیت میں کام جاری رکھے گا اور وہاں کے عملے کے حوالے سے فی الحال ایسی کوئی ہدایت جاری نہیں کی گئی۔