ایران نے ہمارےكیلیے خطرہ پیدانہیں كیا، اعلیٰ امریكی عہدیدارجنگ كیخلاف احتجاجاًمستعفی

امریکہ کے انسداد دہشت گردی سینٹر کے ڈائریکٹر جو کینٹ نے ایران کے خلاف حملے پر احتجاجا مستعفی ہونے کا اعلان کر دیا۔سوشل میڈیا پر  استعفے کے اعلان میں جو کینٹ نے کہا کہ اپنے ضمیر کے خلاف جا کر ایران میں جاری جنگ کی حمایت نہیں کر سکتا۔

امریکی سینیٹ نے گزشتہ جولائی میں صدر ٹرمپ کی جانب سے اس عہدے کے لیے جو کینٹ کو نامزد کیے جانے کے بعد ان کی تقرری کی منظوری دی تھی۔ٹرمپ کے نام اپنے استعفے میں جو کینٹ نے لکھا کہ ایران نے ہمارے ملک کے لیے کوئی فوری خطرہ پیدا نہیں کیا تھا اور یہ واضح ہے کہ ہم نے یہ جنگ اسرائیل اور اس کی طاقتور امریکی لابی کے دباؤ کے تحت شروع کی۔

کینٹ نے لکھا کہ میں اس بات کی حمایت نہیں کر سکتا کہ اگلی نسل کو ایسی جنگ میں بھیجا جائے جس کا امریکی عوام کو کوئی فائدہ نہیں اور جس کی قیمت امریکی جانوں سے ادا کی جائے۔