ایران جنگ کے اثرات، امریکا میں ڈیزل کی قیمت 6 ڈالر فی گیلن تک پہنچ گئی

ایران اور مشرقِ وسطیٰ میں جاری جنگ کے اثرات کے باعث امریکہ میں ایندھن کا بحران شدید ہو گیا ہے، جس کے نتیجے میں وہاں ڈیزل کی قیمتوں میں نمایاں اضافہ ریکارڈ کیا گیا ہے۔ امریکی میڈیا کے مطابق ملک میں ڈیزل کی قیمت 6 ڈالر فی گیلن کی بلند ترین سطح تک پہنچ گئی ہے۔ رپورٹ کے مطابق گزشتہ 9 ماہ کے مختصر عرصے کے دوران امریکہ میں ڈیزل کی قیمتوں میں 74 فیصد تک کا بڑا اضافہ دیکھنے میں آیا ہے، جس سے ٹرانسپورٹیشن اور روزمرہ کی اشیائے ضروریہ کی قیمتیں مزید بڑھنے کا قوی خدشہ پیدا ہو گیا ہے۔

اعداد و شمار کا موازنہ کرتے ہوئے امریکی میڈیا نے بتایا کہ گزشتہ سال ستمبر میں امریکہ میں ڈیزل کی قیمت 3 ڈالر 71 سینٹ فی گیلن تھی، جو اب بڑھ کر 6 ڈالر فی گیلن ہو چکی ہے۔ ماہرین کے مطابق ایندھن کی قیمتوں میں مسلسل اور غیر معمولی اضافے سے براہِ راست ٹرانسپورٹ کے اخراجات میں اضافہ ہوگا، جس کا بوجھ بالآخر عام امریکی صارفین کو گرانی کی صورت میں برداشت کرنا پڑے گا