امریکی محکمہ خارجہ کا ویزہ فراڈ کی روک تھام کے لیے آن لائن ٹپ پورٹل کا قیام

امریکی محکمہ خارجہ (U.S. Department of State) نے امریکی ویزوں میں دھوکہ دہی، جعلی دستاویزات کے استعمال اور غلط استعمال کی روکتھام کے لیے ایک نیا آن لائن ‘ویزہ فراڈ ٹپ پورٹل’ (Online Visa Fraud Tip Portal) متعارف کروا دیا ہے۔ محکمہ خارجہ کے ترجمان کے دفتر سے جاری کردہ میڈیا نوٹ کے مطابق، اس نئا آن لائن ٹول کا مقصد عوام الناس کو ویزہ فراڈ کے متعلق کسی بھی مشکوک سرگرمی یا معلومات کی فوری اور محفوظ اطلاع دینے کی سہولت فراہم کرنا ہے تاکہ امریکی حکام فوری کارروائی کر سکیں۔

سیکرٹری آف اسٹیٹ مارکو روبیو اور محکمہ خارجہ کے بیورو آف قونصلر افیئرز کے مطابق، صدر ٹرمپ کے دورِ حکومت میں ویزہ فراڈ کی نشاندہی اور اس کی روک تھام کے لیے سخت اقدامات کیے جا رہے ہیں۔ ویزہ فراڈ میں جعلی سفری دستاویزات، جعلی شادیوں کے نیٹ ورکس، فرضی یا شیل کمپنیوں کی جانب سے ملازمت کی پیشکش، اور ‘برتھ ٹورازم’ (Birth Tourism) جیسے غیر قانونی طریقے شامل ہیں۔ امریکی حکام نے واضح کیا ہے کہ ویزہ قوانین کی خلاف ورزی کرنے والوں کے ویزے فوری منسوخ کیے جائیں گے اور ان کے خلاف قانون نافذ کرنے والے اداروں کے ذریعے سخت قانونی چارہ جوئی کی جائے گی۔