یو ایس ایس ابراہم لنکن پر خراب حالات کی رپورٹس غلط ہیں، امریکی وزیر دفاع

امریکی وزیرِ دفاع نے طیارہ بردار بحری جہاز ‘یو ایس ایس ابراہم لنکن’ پر موجود عملے کی خراب صورتحال اور ذہنی دباؤ سے متعلق میڈیا رپورٹس کو مکمل طور پر غلط اور بے بنیاد قرار دے کر مسترد کر دیا ہے۔ اپنے ایک بیان میں انہوں نے کہا کہ ابراہم لنکن رواں سال جنوری سے مشرقِ وسطیٰ میں تعینات ہے اور جنگی حالات کے دوران بحری جہازوں کی تعیناتی کا دورانیہ طویل ہونا ایک معمول کی بات ہے۔ اس سے قبل امریکی میڈیا اور ارکانِ کانگریس کی جانب سے جہاز پر موجود تقریباً 5 ہزار اہلکاروں کی طویل تعیناتی، خوراک و پانی کی ناقص فراہمی اور خودکشی کی کوششوں جیسے واقعات پر شدید تشویش کا اظہار کیا گیا تھا، تاہم پنٹاگون نے ان تمام تحفظات اور خبروں کو سختی سے رد کر دیا ہے