15نکاتی امن منصوبے پر ایرانی جواب کے منتظرہیں، جنگ طویل نہیں ہوگی، امریکی وزیرخارجہ

امریکی وزیرخارجہ مارکو روبیو کا کہنا ہے کہ امریکا زمینی فوجی دستے بھیجے بغیر ایران جنگ کے اہداف حاصل کر سکتاہے۔  امریکاکے 15 نکاتی امن منصوبے پر ایران کے جواب کامنتظرہے۔

جی سیون کے وزرائے خارجہ کے اجلاس کے بعد جب ان سے پوچھا گیا کہ آیا امریکہ مشرقِ وسطیٰ میں زمینی فوج اتارنے پر غور کر رہا ہے تو روبیو نے کہا کہ وہ فوجی حکمتِ عملی پر بات نہیں کریں گے۔ تاہم یہ واضح ہے کہ امریکااپنے اہداف زمینی فوج بھیجے بغیربھی حاصل کرسکتاہے۔

ان کا کہنا تھا کہ امریکا کے مقاصد واضح ہیں اور ہمیں پورا یقین ہے کہ ہم بہت جلد اپنے مقاصد حاصل کرلیں گے۔ایران میں امریکی کارروائی کے جاری رہنے کے  حوالے سے مارکوروبیونے کہاکہ  کارروائی کا اختتام اب ہفتوں کا معاملہ ہے مہینوں کا نہیں۔۔ یہ ایک طویل جنگ نہیں۔

امریکی وزیرخارجہ نے کہاکہ امریکا کے 15 نکاتی منصوبے پر ایران کی جانب سے کچھ نہیں ملا، ہم جواب کے منتظرہیں۔ انہوں نے کہا کہ ایرانی جواب کسی بھی لمحے آ سکتا ہے۔ اس اس دوران ہماری کارروائی جاری رہے گی۔