امریکہ: میڈیکیڈ میں 6 کروڑ 40 لاکھ ڈالر فراڈ پر ذکیہ خان کو 76 ماہ قید اور بھاری جرمانے کی سزا

امریکی ریاست نیویارک کے ضلع بروکلین کی فیڈرل کورٹ نے ہوم ہیلتھ اور ایڈرالٹ ڈے کیئر کمپنیوں کی مالکن ذکیہ خان (Zakia Khan) کو میڈیکیڈ (Medicaid) پروگرام میں 6 کروڑ 40 لاکھ ڈالر کے فراڈ اور غیر قانونی رشوت ستانی کے اسکیم کی قیادت کرنے پر 76 ماہ (ساڑھے چھ سال سے زائد) قید کی سزا سنا دی ہے۔ امریکی محکمہ انصاف (DOJ) کے مطابق ملزمہ نے 2025ء میں میڈیکیڈ کو دھوکہ دینے اور صحت کے شعبے میں کک بیکس کی فراہمی کا جرم قبول کیا تھا۔

تفصیلات کے مطابق ذکیہ خان نے ’رسپانسِبل کیئر اسٹافنگ‘ (Responsible Care Staffing) سمیت ’ہیپی فیملی‘ اور ’فیملی سوشل ایڈلٹ ڈے کیئر‘ نامی دو مراکز قائم کر رکھے تھے، جبکہ غیر قانونی رقم کی منتقلی اور لُنڈرنگ کے لیے ’تنویر سروسز‘ (Tanwee Services) نامی ادارہ استعمال کیا گیا۔ مارکیٹرز کی مدد سے میڈیکیڈ کے مستحقین کو مالی لالچ اور رشوت دے کر ان کے نام پر سروسز درج کروائی جاتی تھیں، جو عملاً فراہم ہی نہیں کی جاتی تھیں۔ اکتوبر 2017ء سے جولائی 2024ء کے دوران اس فراڈ کے ذریعے 5 کروڑ 60 لاکھ ڈالر کی رقم اینٹھی گئی۔ عدالت نے ملزمہ کو 5 کروڑ 60 لاکھ ڈالر واپس کرنے اور 50 لاکھ ڈالر مالیت کے جائیداد، نقد رقم، سونا اور زیورات ضبط کرنے کا حکم بھی دیا ہے۔