کراچی اور لاہور میں امریکی قونصل خانوں کی سروسز تاحال معطل

کراچی اور لاہور میں امریکی قونصل خانوں کی سروسز بدستور معطل ہیں جبکہ متعدد ویزا اپائنٹمنٹس بھی منسوخ کر دی گئی ہیں۔ امریکی سفارتخانے کے مطابق 13 مارچ تک کی امیگرنٹ اور نان امیگرنٹ ویزا اپائنٹمنٹس منسوخ ہیں اور متاثرہ درخواست دہندگان کو نئی اپائنٹمنٹ کی ہدایات ای میل کے ذریعے فراہم کی جائیں گی۔ پاکستان میں موجود امریکی شہریوں کے لیے معمول اور ہنگامی قونصلر سروسز جاری رہیں گی۔ ایران کے سپریم لیڈر آیت اللہ خامنہ ای کی امریکی حملے میں شہادت اور پاکستان میں مظاہروں کے پیش نظر قونصل خانوں کی بعض سروسز عارضی طور پر معطل کی گئی ہیں۔ امریکی شہریوں کو مقامی حالات سے باخبر رہنے اور احتیاطی تدابیر اختیار کرنے کی بھی ہدایت دی گئی ہے۔