امریکی ارکان کانگریس کا دورہ پاکستان ، تاریخ، ثقافت میں اظہار دلچسپی

امریکی کانگریس کے اراکین ریان زینکے (Ryan Zinke) اور مائیکل بومگارنٹر (Michael Baumgartner) نے وفاقی دارالحکومت میں لوک ورثہ میوزیم اور پاکستان مانومنٹ کا دورہ کیا۔ دورے کے دوران امریکی اراکین کو مختلف نمائشوں کے ساتھ ساتھ پاکستان کی تاریخ، متنوع ثقافت اور گراں قدر ورثے سے متعلق تفصیلی بریفنگ دی گئی۔ اس موقع پر دونوں اراکین نے پاکستان کے مختلف خطوں کی رنگارنگ ثقافت، مقامی زبانوں اور تاریخی پس منظر میں گہری دلچسپی کا اظہار کیا۔

بعد ازاں امریکی وفد نے یادگارِ پاکستان (پاکستان مانومنٹ) کا بھی دورہ کیا، جہاں انہیں تحریکِ پاکستان کی عظیم تاریخ اور قیامِ پاکستان کے لیے دی جانے والی جدوجہد اور قربانیوں سے آگاہ کیا گیا۔ اپنے دورے کے اختتام پر ریان زینکے اور مائیکل بومگارنٹر نے خلیجی بحران کے دوران علاقائی امن و استحکام کے لیے پاکستان کے مثبت اور تعمیری کردار کی بھی زبردست سراہنا کی۔