ایران جنگ سے متعلق معلومات لیک ہونے کی امریکی تحقیقات، ذمے دار کی شناخت نہ ہو سکی

امریکی حکام نے ایران جنگ سے متعلق حساس معلومات لیک ہونے کے معاملے پر تحقیقات مکمل کر لی ہیں، تاہم اس بدنامِ زمانہ واقعے کے ذمہ دار کی شناخت نہ ہو سکی۔ غیر ملکی خبر ایجنسی کے مطابق پینٹاگون کے جوائنٹ سٹاف سے وابستہ 50 امریکی فوجی افسران کے اگست میں پولی گرافک (جھوٹ پکڑنے والے) ٹیسٹ کیے گئے تھے، جبکہ امریکی محکمہ جنگ (پینٹاگون) نے اس معاملے کی مزید تفصیلات پر تبصرہ کرنے سے گریز کیا ہے۔ یاد رہے کہ ایران جنگ کے دوران امریکی فوج کے اسلحہ ذخائر سے متعلق انتہائی حساس اور رازدارانہ معلومات لیک ہو گئی تھیں، جس پر امریکی صدر نے سخت برہمی اور تشویش کا اظہار کیا تھا۔