امریکی صدر ڈونلڈ ٹرمپ نے دورۂ چین کا اعلان کردیا

وائٹ ہاؤس کے ترجمان نے اعلان کیا ہے کہ امریکی صدر ڈونلڈ ٹرمپ بدھ کی شام چین کے دارالحکومت بیجنگ پہنچیں گے جہاں ان کے اعزاز میں سرکاری عشائیہ بھی دیا جائے گا۔

ترجمان کے مطابق صدر ٹرمپ کے دورے کے دوران امریکا اور چین کے درمیان تجارتی، سرمایہ کاری اور اقتصادی تعاون سے متعلق اہم امور زیر بحث آئیں گے۔

وائٹ ہاؤس کا کہنا ہے کہ دونوں ممالک مشترکہ تجارتی اور سرمایہ کاری بورڈ پر کام کرنے کے حوالے سے بھی بات چیت کریں گے تاکہ باہمی اقتصادی تعلقات کو فروغ دیا جاسکے۔

اعلامیے کے مطابق ایرو اسپیس، زراعت اور توانائی کے شعبوں میں تعاون بڑھانے کے امکانات پر بھی تفصیلی تبادلہ خیال متوقع ہے۔

تجزیہ کاروں کا کہنا ہے کہ یہ دورہ امریکا اور چین کے تعلقات میں اہم پیش رفت ثابت ہوسکتا ہے جبکہ عالمی معیشت پر بھی اس کے اثرات مرتب ہونے کا امکان ہے۔