سینٹ کام نے ایل گایا ٹینکر بارودی سرنگ سے ٹکرانے کا ایرانی دعویٰ مسترد کردیا

امریکی سینٹرل کمانڈ (سینٹ کام) نے ایرانی پاسدارانِ انقلاب (IRGC) کے اس دعوے کو من گھڑت اور لغو قرار دے کر پرزور تردید کی ہے جس میں کہا گیا تھا کہ ایک تیل بردار جہاز آبنائے ہرمز میں سمندری بارودی سرنگ (نیول مائن) سے ٹکرا کر تباہ ہوا۔ سینٹ کام کی جانب سے جاری کردہ باضابطہ بیان کے مطابق پاناما کے پرچم بردار تیل بردار جہاز “ایل گایا” (El Gaia) کو گزشتہ ماہ ایرانی بیلسٹک میزائل کا نشانہ بنایا گیا تھا جس کے بعد وہ ناکارہ اور شل ہو گیا تھا۔

امریکی عسکری حکام کے مطابق اس ناکارہ جہاز پر رواں ہفتے عمان کے ساحل کے قریب بحیرہ عرب میں ایرانی ڈرونز کے ذریعے ایک بار پھر حملہ کیا گیا۔ سینٹ کام نے واضح کیا کہ حراست اور تحویل سے متعلق ایرانی افواہیں جھوٹ پر مبنی ہیں اور فی الوقت ایل گایا ٹینکر کو ایک علاقائی اتحادی اور شریک ملک کی مدد سے محفوظ مقام پر منتقل (ٹوینگ) کیا جا رہا ہے۔ سینٹ کام کا مزید کہنا تھا کہ ایرانی پاسدارانِ انقلاب کا یہ بے بنیاد دعویٰ بین الاقوامی تجارتی بحری جہازوں کو خوفزدہ کرنے اور گمراہ کن معلومات پھیلانے کی ان کی پرانی پالیسی کا تسلسل ہے۔