سینٹ کام کا بحری ناکہ بندی کے دوران مزید 55 تجارتی جہازوں کا رخ موڑنے کا دعویٰ

امریکی فوج کی سینٹرل کمانڈ (سینٹ کام) نے تصدیق کی ہے کہ ایران کے خلاف جاری بحری ناکہ بندی پر عملدرآمد کے سلسلے میں امریکی بحری افواج نے اب تک 55 تجارتی بحری جہازوں کا رخ موڑ دیا ہے۔ سماجی رابطے کی ویب سائٹ ایکس (X) پر جاری کردہ تازہ ترین بیان میں سینٹ کام نے بتایا کہ یہ تعداد گزشتہ روز رپورٹ کیے گئے 53 بحری جہازوں کے مقابلے میں زیادہ ہے، جبکہ تعمیل کو یقینی بنانے کے لیے 2 جہازوں کو ناکارہ بنایا گیا اور 2 پر معائنہ بھی کیا گیا ہے۔

سینٹ کام کے مطابق اس وقت مشرق وسطیٰ کی اہم آبی گزرگاہوں اور سمندری حدود میں 20 سے زائد امریکی جنگی بحری جہاز تعینات ہیں جو متعدد عسکری مشنز میں حصہ لے رہے ہیں، جن کا بنیادی مقصد ایران کی بحری ناکہ بندی پر سختی سے عملدرآمد کو یقینی بنانا ہے۔ تاہم، بیان میں یہ بھی واضح کیا گیا ہے کہ انسان دوست امداد لے جانے والے 30 سے زائد بحری جہازوں کو معائنے کے بعد گزرنے کی اجازت دی گئی ہے