امریکی فوج نے ایک بار پھر ایران پر فضائی حملے شروع کر دیے

امریکی سینٹرل کمانڈ (سینٹ کام) نے ایران کے خلاف دوبارہ فضائی حملے شروع کرنے کا باقاعدہ اعلان کر دیا ہے۔ سوشل میڈیا پلیٹ فارم ‘ایکس’ پر جاری بیان میں سینٹ کام نے بتایا کہ یہ کارروائی مشرقِ وسطیٰ میں تعینات امریکی افواج پر ایران کی جانب سے کیے گئے مبینہ حملوں کے جواب میں طاقتور اور فیصلہ کن ردِعمل کے طور پر کی جا رہی ہے۔ اس سے قبل امریکی صدر ڈونلڈ ٹرمپ نے دعویٰ کیا تھا کہ ایران نے مشرقِ وسطیٰ میں امریکی فوجی اڈوں کو بیلسٹک میزائلوں سے نشانہ بنانے کی کوشش کی، جسے امریکی دفاعی نظام نے فضا ہی میں ناکام بنا دیا۔ صدر ٹرمپ نے امریکہ کے مفادات اور افواج کے تحفظ کے لیے ایران پر سخت جوابی حملے کرنے کا عزم ظاہر کیا تھا۔