بحیرہ احمر میں امریکی ہیلی کاپٹر گرنے کی خبر بے بنیاد ہے: امریکی سینٹکام

امریکی سینٹرل کمانڈ (سینٹکام – CENTCOM) نے بحیرہ احمر میں امریکی بحریہ کے ہیلی کاپٹر کی تباہی سے متعلق سامنے آنے والی تمام خبروں اور دعووں کو یکسر مسترد کرتے ہوئے ان کی باضابطہ تردید کر دی ہے۔ سینٹکام کی جانب سے جاری کردہ بیان کے مطابق بحیرہ احمر میں ایم ایچ-60 آر (MH-60R) ہیلی کاپٹر گرنے کی خبریں بالکل بے بنیاد ہیں اور خطے میں تعینات تمام امریکی فوجی طیارے، ہیلی کاپٹرز اور اہلکار مکمل طور پر محفوظ ہیں۔

امریکی عسکری حکام کا کہنا ہے کہ ایرانی سرکاری میڈیا اور ذرائع ابلاغ کی جانب سے امریکی ہیلی کاپٹر کے حادثے یا ہدف بننے سے متعلق من گھڑت اور غلط معلومات پھیلائی گئیں۔ سینٹکام نے واضح کیا ہے کہ بحیرہ احمر اور مشرقِ وسطیٰ کے سمندری راستوں میں امریکی نیول فورسز اور فضائی دفاعی آپریشنز معمول کے مطابق بلا تعطل جاری ہیں۔