سینٹ کام کا مشرق وسطیٰ میں زمینی فوج کی تعیناتی پر غور

امریکی سینٹرل کمانڈ (سینٹ کام) نے مشرقِ وسطیٰ میں پیدا ہونے والی صورتحال کے پیشِ نظر اپنے زمینی دستوں کی ممکنہ تعیناتی پر غور شروع کر دیا ہے، جس کے تحت امریکی پیرا ٹروپرز کو خصوصی آپریشنل تربیت فراہم کی جا رہی ہے۔ سینٹ کام کے جاری کردہ بیان کے مطابق پیرا ٹروپرز کو مختلف جدید ہتھیاروں کے استعمال اور جنگی حکمتِ عملی کی تربیت دی جا رہی ہے تاکہ وہ کسی بھی ناگہانی عسکری کارروائی کے لیے ہمہ وقت تیار رہیں۔ مزید برآں، امریکی فوج کا جدید ترین ‘چنوک’ ہیلی کاپٹر بھی مشرقِ وسطیٰ میں ممکنہ آپریشنل تعیناتی کے لیے تیار کیا جا رہا ہے۔ پینٹاگون کے مطابق چنوک ہیلی کاپٹر ہر قسم کے سخت موسمی اور جغرافیائی ماحول میں فوجی اہلکاروں، بھاری سازوسامان اور ضروری رسد کی فوری نقل و حمل کی بہترین صلاحیت رکھتا ہے