امریکا کا ایران کی بحری ناکہ بندی میں مزید 20 تجارتی جہاز واپس موڑنے کا دعویٰ

امریکی سینٹرل کمانڈ (سینٹ کام) نے دعویٰ کیا ہے کہ ایران کی جنوبی بندرگاہوں پر دوبارہ عائد کی گئی بحری ناکہ بندی کے بعد سے اب تک 20 تجارتی جہازوں کو موڑ کر واپس بھیج دیا گیا ہے۔ امریکی فوجی حکام کے مطابق گزشتہ 24 گھنٹوں کے دوران مزید 2 جہازوں کا رخ موڑا گیا، جبکہ اس سے قبل 18 جہازوں کی واپسی ہو چکی تھی۔ سینٹ کام نے یہ دعویٰ بھی کیا کہ کارروائیوں کے دوران امریکی افواج نے 2 تجارتی جہازوں کو ناکارہ بنا دیا ہے اور 2 دیگر جہازوں کے بورڈ پر چڑھ کر تلاشی و تادیبی اقدام کیا ہے۔