ایران کمزور نہیں ہورہا بلکہ آخری حد تک لڑنے کو تیار ہے: خفیہ امریکی کیبل میں انکشاف

ایک خفیہ امریکی کیبل میں انکشاف ہوا ہے کہ ایران کمزور ہونے کے بجائے آخری حد تک لڑنے کے لیے تیار ہے۔

امریکی اخبار کی رپورٹ کے مطابق امریکی محکمہ خارجہ کی کیبل میں کہا گیا ہے کہ سینئر اسرائیلی حکام نے امریکی سفارتکاروں کو آگاہ کیا کہ اگر ایرانی شہری حکومت کے خلاف سڑکوں پر نکلے تو انہیں سخت ردعمل اور ممکنہ قتل عام کا سامنا کرنا پڑ سکتا ہے۔رپورٹ میں بتایا گیا ہے کہ بیت المقدس میں امریکی سفارتخانے کی جانب سے جاری کیبل کے مطابق اسرائیلی حکام کا اندازہ ہے کہ ایران کی حکومت کمزور نہیں ہو رہی اور مسلسل حملوں کے باوجود مزاحمت جاری رکھے گی۔کیبل میں یہ بھی دعویٰ کیا گیا کہ آیت اللہ علی خامنہ ای کی شہادت اور امریکی و اسرائیلی حملوں کے باوجود ایرانی قیادت پیچھے ہٹنے کے لیے تیار نہیں۔اخباری رپورٹ کے مطابق اس صورتحال کے باوجود اسرائیلی حکام نے امریکا پر زور دیا ہے کہ اگر ایران میں عوامی احتجاج شروع ہو تو مظاہرین کی حمایت کے لیے تیار رہنا چاہیے۔

واضح رہے کہ اس نوعیت کی رپورٹس کی آزاد ذرائع سے تصدیق مشکل ہوتی ہے، تاہم یہ انکشافات خطے میں جاری کشیدگی کی سنگینی کو ظاہر کرتے ہیں۔