ایران جنگ : اب تک 9 ہزار سے زائد حملے کیے، امریکی سینٹرل کمانڈ کا دعویٰ

امریکی سینٹرل کمانڈ (سینٹکام) نے اعلان کیا ہے کہ ایران کے خلاف جاری جنگ کے دوران اب تک 9 ہزار سے زائد حملے کیے جا چکے ہیں۔ سینٹکام کے مطابق مختلف ایرانی اہداف کو نشانہ بنایا گیا جبکہ 140 ایرانی بحری جہازوں کو نقصان پہنچایا یا تباہ کر دیا گیا۔

یہ کارروائیاں اس وقت سے جاری ہیں جب امریکا اور اسرائیل نے 28 فروری سے جنگ کا آغاز کیا۔ امریکی صدر ڈونلڈ ٹرمپ کی جانب سے ایران کے ساتھ مذاکرات جاری ہونے کے دعوؤں کے باوجود سینٹکام کا کہنا ہے کہ حملے بدستور جاری ہیں۔

سینٹکام نے سوشل میڈیا پلیٹ فارم ایکس پر جاری بیان میں کہا کہ امریکی افواج جدید اسلحے کے ذریعے ایرانی فوجی اہداف کو مسلسل اور بھرپور طریقے سے نشانہ بنا رہی ہیں۔

خطے میں بڑھتی کشیدگی کے پیش نظر صورتحال ابھی بھی سنگین ہے اور سفارتی کوششیں بھی جاری ہیں تاکہ بحران کا حل نکالا جا سکے۔