امریکا نے انٹرنیشنل کرمنل کورٹ کو بتدریج ختم کرنے کیلئے اقدامات کا اعلان کر دیا

امریکی وزیر خارجہ مارکو روبیو نے عالمی عدالتِ انصاف، انٹرنیشنل کرمنل کورٹ (آئی سی سی) کو بتدریج ختم کرنے کے لیے باقاعدہ اقدامات کا اعلان کر دیا ہے۔ امریکی وزیر خارجہ کا کہنا ہے کہ امریکی حکومت اپنے پاس موجود تمام تر وسائل اور اتحادی ممالک کے تعاون سے مل کر آئی سی سی کی بقا اور اس کے اثر و رسوخ کو ختم کر دے گی۔ انہوں نے سخت موقف اپنائے ہوئے واضح کیا کہ کسی بھی جارح حکومت یا غیر سرکاری تنظیم (این جی اوز) کو امریکی آئین اور عدالتی نظام پر غالب آنے کی ہرگز اجازت نہیں دی جائے گی۔

یہ غیر معمولی اور سخت ترین امریکی ردعمل ایک ایسے وقت میں سامنے آیا ہے جب انٹرنیشنل کرمنل کورٹ (آئی سی سی) نے غزہ میں جنگی جرائم اور انسانیت کے خلاف سنگین جرائم کے الزامات کے تحت اسرائیلی وزیر اعظم بنجمن نیتن یاہو کے وارنٹ گرفتاری جاری کر رکھے ہیں۔ امریکا کا یہ اقدام عالمی عدالت پر دباؤ بڑھانے اور اپنے قریبی اتحادی اسرائیل کے رہنماؤں کو بین الاقوامی قانونی کارروائی سے بچانے کی ایک بڑی کوشش قرار دیا جا رہا ہے۔