نیشنل جوڈیشل آٹومیشن کمیٹی کا اجلاس: مقدمات کی ای فائلنگ نافذ کرنے پر غور

چیف جسٹس آف پاکستان جسٹس یحییٰ آفریدی کی زیر صدارت نیشنل جوڈیشل آٹومیشن کمیٹی کا ایک اہم اجلاس منعقد ہوا، جس میں ملک بھر کی عدالتوں میں مقدمات کی ای فائلنگ کے نفاذ کی حکمت عملی اور ڈیجیٹل اصلاحات کا تفصیلی جائزہ لیا گیا۔ اجلاس میں چیئرمین کمیٹی جسٹس محمد علی مظہر، اسلام آباد ہائیکورٹ کے جسٹس ارباب محمد طاہر اور جسٹس محمد اعظم خان نے شرکت کی جبکہ لاہور، سندھ، پشاور اور بلوچستان ہائیکورٹس کے اراکین نے آن لائن شرکت کی۔

چیف جسٹس پاکستان نے اجلاس سے خطاب کرتے ہوئے اعلان کیا کہ ملک بھر میں ای فائلنگ کا آغاز تمام صوبوں اور اسلام آباد کی منتخب عدالتوں میں ‘خاندانی مقدمات’ سے آزمائشی (پائلٹ) بنیادوں پر کیا جائے گا۔ اجلاس میں یکساں ڈیجیٹل فائلنگ کے لیے مجوزہ معیاری ای فائلنگ ٹیمپلیٹس اور “ایک مقدمہ، ایک شناخت” (One Case, One ID) کے اہم اقدام پر بھی غور کیا گیا۔ اس اقدام کے تحت عدالتی عمل کے آغاز سے لے کر اختتام تک ہر مقدمے کو ایک منفرد شناخت دی جائے گی، جس کا مسودہ اب قومی جوڈیشل پالیسی ساز کمیٹی کے سامنے پیش کیا جائے گا۔

اجلاس کی قیادت کرتے ہوئے جسٹس محمد علی مظہر نے ہدای