حکومت نے پٹرولیم مصنوعات کی قیمتوں میں کمی کر دی

حکومت نے عوام کو ریلیف فراہم کرتے ہوئے پٹرولیم مصنوعات کی قیمتوں میں ایک بار پھر کمی کا اعلان کر دیا ہے۔ آئل اینڈ گیس ریگولیٹری اتھارٹی (اوگرا) کی جانب سے جاری کردہ نوٹیفکیشن کے مطابق پٹرول کی فی لٹر قیمت میں 84 پیسے جبکہ ہائی اسپیڈ ڈیزل کی قیمت میں 2 روپے 63 پیسے کمی کی گئی ہے۔

قیمتوں میں اس کمی کے بعد پٹرول کی نئی قیمت 389 روپے 28 پیسے فی لٹر جبکہ ڈیزل کی نئی قیمت 412 روپے 12 پیسے فی لٹر ہو گئی ہے۔ وزارتِ خزانہ اور اوگرا کے جاری کردہ نوٹیفکیشن کے مطابق پٹرولیم مصنوعات کی نئی قیمتوں کا اطلاق 25 ستمبر سے کر دیا گیا ہے۔