امریکا کی جارحیت، وینزویلا کے ایک اور تیل بردار بحری جہاز پر قبضہ

برطانوی نشریاتی ادارے کے مطابق وینزویلا کے حکام کا کہنا ہے کہ ایک بحری جہاز خالی حالت میں وطن واپس جا رہا تھا کہ امریکی حکام نے اسے اپنی تحویل میں لے لیا۔ وینزویلا نے اس اقدام کو بین الاقوامی قوانین کی خلاف ورزی قرار دیا ہے، جبکہ امریکا کا مؤقف ہے کہ یہ کارروائی وینزویلا پر عائد پابندیوں کے تحت کی گئی۔

ادھر امریکا نے ممکنہ فوجی کارروائی کے پیش نظر خطے میں عسکری سرگرمیاں تیز کر دی ہیں۔ مرسیڈیٹا ہوائی اڈے پر فوجی نقل و حرکت میں اضافہ دیکھا گیا، جبکہ کیریبین میں طیارہ بردار بحری جہاز، جنگی بیڑے، جدید لڑاکا طیارے اور ہزاروں فوجی تعینات کر دیے گئے ہیں۔ ماہرین کے مطابق یہ اقدامات امریکا اور وینزویلا کے درمیان بڑھتی ہوئی کشیدگی کی نشاندہی کرتے ہیں۔