آبنائے ہرمز میں کشیدگی: اقوامِ متحدہ کی سلامتی کونسل میں اہم قرارداد پر ووٹنگ آج، طاقت کے استعمال کی شق نکال دی گئی

اقوام متحدہ کی سلامتی کونسل میں آبنائے ہرمز سے متعلق قرارداد پر ووٹنگ آج متوقع ہے۔ قرارداد پر ووٹنگ آج رات آٹھ بجے ہونے کا امکان ہے جبکہ رکن ممالک کے درمیان قرارداد پر مشاورت کا عمل جاری ہے۔ سفارتی ذرائع کے مطابق نئے مسودے میں ایران سے مطالبہ کیا گیا ہے کہ وہ جہازوں پر حملے بند کرے اور آبنائے ہرمز میں کسی بھی قسم کی رکاوٹ ڈالنے سے گریز کرے۔ تاہم اس بار قرارداد سے طاقت کے استعمال سے متعلق شق کو نکال دیا گیا ہے۔ دوسری جانب مبصرین کا کہنا ہے کہ امریکا اپنے سخت بیانات اور دباؤ کے باوجود ایران کا آبنائے ہرمز پر کنٹرول کمزور کرنے میں کامیاب نہیں ہو سکا، جس کے باعث عالمی بحری ٹریفک متاثر ہو رہی ہے۔