LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

وینزویلا کے خلاف امریکی فوجی کارروائی بین الاقوامی قوانین کے منافی، یو این سیکرٹری جنرل

Web Desk

5 January 2026

نیویارک: اقوام متحدہ کے سیکرٹری جنرل انتونیو گوتریس نے وینزویلا کی صورتحال پر گہری تشویش کا اظہار کرتے ہوئے کہا ہے کہ 3 جنوری کو ہونے والی امریکی فوجی کارروائی میں بین الاقوامی قوانین کی پاسداری نہیں کی گئی۔

وینزویلا کی صورتحال پر غور کے لیے اقوام متحدہ کی سلامتی کونسل کا ہنگامی اجلاس منعقد ہو رہا ہے، جس کے ایجنڈے میں بین الاقوامی امن و سلامتی کو درپیش خطرات پر بحث شامل ہے۔ اجلاس میں سیکرٹری جنرل انتونیو گوتریس کا تحریری بیان پڑھ کر سنایا گیا۔

اپنے بیان میں یو این سیکرٹری جنرل نے کہا کہ امریکی کارروائی کے بعد وینزویلا کے صدر اور ان کی اہلیہ امریکی تحویل میں ہیں، جس سے ملک میں عدم استحکام اور خطے پر منفی اثرات مرتب ہونے کا خدشہ بڑھ گیا ہے۔

انتونیو گوتریس نے تمام فریقین پر زور دیا کہ وہ اقوام متحدہ کے چارٹر کی مکمل پاسداری کریں اور ایک جامع، شفاف اور جمہوری مکالمہ شروع کریں تاکہ وینزویلا کے عوام اپنے مستقبل کے فیصلے خود کر سکیں۔

سیکرٹری جنرل نے واضح کیا کہ امن و سلامتی کے تحفظ کے لیے اقوام متحدہ کے چارٹر اور بین الاقوامی قانونی فریم ورک کا احترام ناگزیر ہے، جبکہ ریاستوں کی خودمختاری، سیاسی آزادی اور علاقائی سالمیت کے اصولوں کی پاسداری لازم ہے۔

انہوں نے کہا کہ طاقت کے استعمال یا اس کی دھمکی پر پابندی بین الاقوامی قانون کا بنیادی اصول ہے اور قانون کی بالادستی کو ہر صورت یقینی بنایا جانا چاہیے۔ ان کا کہنا تھا کہ بین الاقوامی قانون میں منشیات کی غیرقانونی اسمگلنگ، وسائل سے متعلق تنازعات اور انسانی حقوق کے مسائل کے حل کے مؤثر طریقہ کار موجود ہیں۔

یو این سیکرٹری جنرل کے مطابق اقوام متحدہ کے چارٹر کے تحت کسی بھی ریاست کی سالمیت یا آزادی کے خلاف طاقت کے استعمال یا دھمکی کی اجازت نہیں دی جا سکتی۔ انہوں نے بتایا کہ وینزویلا حکومت کی درخواست پر مقرر کردہ انتخابی ماہرین کے پینل نے سنگین مسائل کی نشاندہی کی ہے اور اقوام متحدہ نے انتخابات کے نتائج کی مکمل شفافیت اور بروقت اشاعت کے لیے مسلسل اپیل کی ہے۔