وڈان میں متحارب فریق مذاکرات کے لئے آمادہ نہیں: اقوام متحدہ نے خبردار کر دیا

اقوام متحدہ کی انڈر سیکرٹری جنرل برائے سیاسی و امن سازی امور روز میری ڈی کارلو نے خبردار کیا ہے کہ سوڈان میں جاری شدید خانہ جنگی میں مصروف متحارب فریقین میں سے کوئی بھی فی الوقت مذاکرات کی میز پر آنے کے لیے آمادہ نہیں ہے۔

اقوام متحدہ کی سلامتی کونسل کو بریفنگ دیتے ہوئے روز میری ڈی کارلو نے کہا کہ میدانِ جنگ میں کوئی بھی فریق حتمی یا فیصلہ کن عسکری کامیابی حاصل نہیں کر سکا، جس کی وجہ سے آنے والے مہینوں میں لڑائی مزید خوفناک اور شدید ہونے کا خدشہ ہے۔ اقوام متحدہ کے رپورٹ کے مطابق اس وقت شمالی کردفان، جنوبی کردفان اور بلیو نائل کے علاقوں میں جھڑپیں شدت اختیار کر چکی ہیں، جبکہ رواں سال عام شہریوں کی ہلاکتوں کی سب سے بڑی وجہ تباہ کن ڈرون حملے بنے ہیں۔

ڈی کارلو نے سوڈان میں فوری طور پر جنگ بندی، ڈرون حملوں کی مکمل بندش، متحارب گروہوں کو بیرونی اسلحے کی فراہمی روکنے اور عالمی و علاقائی قوتوں سے التجا کی کہ وہ اس انسانی المیے کو ختم کرانے کے لیے اپنا اثر و رسوخ استعمال کریں۔