سانحہ پمز ہسپتال: اقوام متحدہ کا 14 نومولود کے جاں بحق ہونے پر اظہار افسوس

اسلام آباد کے پمز ہسپتال میں آتشزدگی کے باعث 14 نومولود بچوں کے جاں بحق ہونے کے دردناک سانحے پر اقوامِ متحدہ نے شدید افسوس کا اظہار کیا ہے۔ اقوامِ متحدہ کے سیکرٹری جنرل کے ترجمان سٹیفن ڈوجارک نے ایک بیان میں متاثرہ والدین سے گہری ہمدردی کا اظہار کرتے ہوئے کہا کہ معصوم بچوں کی موت ان کے والدین کے لیے ایک ناقابلِ تصور دکھ ہے، اور اقوامِ متحدہ اس مشکل گھڑی میں حکومتِ پاکستان کی ہر ممکن معاونت کے لیے تیار ہے۔ دوسری جانب سعودی عرب کی وزارتِ خارجہ نے بھی اس دلخراش واقعے پر گہرے غم کا اظہار کرتے ہوئے پاکستانی حکومت اور عوام کے ساتھ مکمل یکجہتی کا اعادہ کیا ہے۔