برطانیہ نے امریکی آپریشن میں روسی آئل ٹینکر ضبط کرنے میں شرکت کی، وزیر دفاع جان ہیلی کی تصدیق

برطانیہ نے تصدیق کی ہے کہ وہ روسی پرچم بردار آئل ٹینکر کو ضبط کرنے والے امریکی آپریشن میں شامل تھا۔ برطانوی وزیر دفاع جان ہیلی کے مطابق برطانوی مسلح افواج نے امریکی کارروائی میں پیشہ ورانہ مہارت اور اعلیٰ صلاحیت کا مظاہرہ کیا۔

انہوں نے بتایا کہ برطانیہ نے امریکی درخواست پر جہاز کو قبضے میں لینے میں معاونت فراہم کی، جو بین الاقوامی قانون کے تحت دی گئی تھی۔

امریکہ نے بحرِ اوقیانوس میں روسی پرچم والے آئل ٹینکر کو ضبط کیا، جس کے بعد روسی وزارت خارجہ نے اس اقدام کو بحری قزاقی قرار دیا اور مطالبہ کیا کہ جہاز پر موجود روسی عملے کی حفاظت اور واپسی یقینی بنائی جائے۔

یہ کارروائی امریکی اور برطانوی حکام کے مطابق وینزویلا اور دیگر پابندیوں کے شکار ممالک کے خام تیل کی غیر قانونی ترسیل روکنے کے لیے کی گئی۔