ایران کے خلاف کارروائی کیلئے امریکا کو فوجی اڈے دینے سے برطانیہ کا انکار

برطانیہ نے ایران کے خلاف ممکنہ فوجی کارروائی کیلئے امریکا کو اپنے فوجی اڈے استعمال کرنے کی اجازت دینے سے انکار کر دیا ہے۔

برطانوی جریدے کی رپورٹ کے مطابق برطانوی حکومت نے واضح مؤقف اختیار کیا ہے کہ ایران کے خلاف کسی بھی کارروائی کیلئے امریکی افواج کو برطانوی سرزمین پر موجود فوجی اڈے فراہم نہیں کیے جائیں گے۔

رپورٹ میں کہا گیا ہے کہ برطانوی حکام کا ماننا ہے کہ واضح قانونی جواز کے بغیر ایران پر حملے میں شمولیت بین الاقوامی قانون کی خلاف ورزی ہو سکتی ہے۔

فوجی اڈوں کی فراہمی سے انکار کے بعد واشنگٹن اور لندن کے درمیان تناؤ میں اضافہ دیکھا جا رہا ہے۔

امریکی صدر ڈونلڈ ٹرمپ کا کہنا ہے کہ امریکا کیلئے ڈیئگو گارشیا اور فیئر فورڈ کے ہوائی اڈے استعمال کرنا ضروری ہو سکتا ہے تاکہ ایک غیر مستحکم اور خطرناک حکومت کے ممکنہ خطرے کا خاتمہ کیا جا سکے۔