ایران پر امریکا و اسرائیل کے حملے میں شامل نہیں: برطانیہ

برطانوی حکومت نے واضح کیا ہے کہ وہ ایران کے خلاف امریکہ اور اسرائیل کی حالیہ فوجی کارروائی کا حصہ نہیں ہے۔ تاہم، لندن کی جانب سے جاری بیان میں کہا گیا ہے کہ برطانیہ خطے میں مزید کشیدگی کا خواہش مند نہیں ہے۔ حکومتِ برطانیہ کے مطابق ایران کو کبھی بھی ایٹمی ہتھیار بنانے کی اجازت نہیں دی جانی چاہیے اور برطانیہ ہمیشہ مذاکرات کے ذریعے مسائل کے حل کا حامی رہا ہے۔ صورتحال کی سنگینی کو دیکھتے ہوئے وزیراعظم سر کیئر اسٹارمر نے ہنگامی ‘کوبرا’ (COBRA) اجلاس طلب کر لیا ہے تاکہ مشرقِ وسطیٰ کی تازہ صورتحال اور برطانوی مفادات کا تحفظ یقینی بنایا جا سکے۔