برطانیہ میں دو مسافر ٹرینوں میں تصادم، 20 سے زائد افراد زخمی

لندن/بیڈفورڈ: برطانیہ کے شہر بیڈفورڈ میں دو مسافر ٹرینوں کے درمیان تصادم کے نتیجے میں 20 سے زائد افراد زخمی ہو گئے۔ مقامی ذرائع کے مطابق حادثے کے فوراً بعد امدادی ٹیمیں موقع پر پہنچ گئیں اور زخمیوں کو قریبی اسپتالوں میں منتقل کر دیا گیا۔

حادثے کے باعث لندن سینٹ پینکراس جانے اور آنے والی متعدد ٹرین سروسز معطل کر دی گئی ہیں، جبکہ لوٹن اور بیڈفورڈ کے درمیان تمام ریلوے لائنیں عارضی طور پر بند کر دی گئی ہیں۔ حکام نے عوام کو غیر ضروری سفر سے گریز کرنے کی ہدایت جاری کی ہے۔

برطانوی وزیرِ ٹرانسپورٹ نے واقعے پر تشویش کا اظہار کرتے ہوئے فوری تحقیقات کا حکم دے دیا ہے۔ ریسکیو اور امدادی کارروائیاں جاری ہیں جبکہ حادثے کی وجوہات جاننے کے لیے متعلقہ ادارے تحقیقات میں مصروف ہیں