متحدہ عرب امارات میں ہنگامی انتباہ، وزارت داخلہ کی عوام کو محفوظ مقام پر جانے کی ہدایت

میزائل حملے کے خدشے کے پیش نظر وزارت داخلہ متحدہ عرب امارات نے ہنگامی الرٹ جاری کر دیا ہے اور شہریوں کو فوری طور پر محفوظ پناہ گاہوں میں منتقل ہونے کی ہدایت کی ہے۔

وزارت داخلہ کے مطابق شہریوں کے موبائل فونز پر سیکیورٹی پیغامات ارسال کر دیے گئے ہیں تاکہ صورتحال سے متعلق آگاہی فراہم کی جا سکے۔

اعلامیے میں کہا گیا ہے کہ رہائشی اپنی حفاظت کو یقینی بناتے ہوئے قریبی شیلٹر میں جائیں اور متعلقہ اداروں کی جاری کردہ ہدایات پر مکمل عمل کریں۔

حکام نے واضح کیا ہے کہ عوام احتیاطی تدابیر اختیار کریں اور کسی غیر مصدقہ خبر پر کان نہ دھریں۔