متحدہ عرب امارات میں اسکول داخلے کی عمر سے متعلق نئی پالیسی کی منظوری
Web Desk
17 December 2025
ابوظہبی: متحدہ عرب امارات نے اسکولوں اور کنڈرگارٹن میں بچوں کے داخلے کے لیے عمر کی حد سے متعلق پالیسی میں اہم تبدیلی کی منظوری دے دی ہے، جس کا اطلاق تعلیمی سال 2026-2027 سے ہوگا۔
نئی پالیسی کے تحت بچوں کی عمر کے تعین کی آخری تاریخ 31 اگست کے بجائے اب 31 دسمبر مقرر کر دی گئی ہے۔ یہ فیصلہ وزارتِ تعلیم کی سفارش پر ایجوکیشن، ہیومن ڈیولپمنٹ اینڈ کمیونٹی ڈیولپمنٹ کونسل نے منظور کیا، جو ان تمام اسکولوں اور کنڈرگارٹن پر لاگو ہوگا جن کا تعلیمی سال اگست یا ستمبر میں شروع ہوتا ہے۔
نئے ضوابط کے مطابق پری کنڈرگارٹن کے لیے بچے کی عمر 31 دسمبر تک 3 سال، کنڈرگارٹن ون کے لیے 4 سال، کنڈرگارٹن ٹو کے لیے 5 سال اور گریڈ ون میں داخلے کے لیے 6 سال ہونا ضروری ہوگا۔ اماراتی حکام کے مطابق یہ عمر کی حد برطانوی، فرانسیسی اور دیگر بین الاقوامی تعلیمی نظاموں کے مطابق رکھی گئی ہے تاکہ مختلف نصاب کے درمیان طلبہ کی منتقلی آسان بنائی جا سکے۔ واضح رہے کہ نئی پالیسی صرف نئے داخلوں پر لاگو ہوگی جبکہ پہلے سے زیرِ تعلیم بچوں پر وہی عمر کی شرائط برقرار رہیں گی جو ان کے داخلے کے وقت نافذ تھیں۔
اپریل میں تعلیمی سال شروع کرنے والے پاکستانی اسکولوں کے لیے داخلے کی آخری تاریخ بدستور 31 مارچ ہی رہے گی اور ان کے نظام میں کوئی تبدیلی نہیں کی گئی۔ حکام کے مطابق فیصلے سے قبل 39 ہزار سے زائد بچوں کے تعلیمی ڈیٹا کا جائزہ لیا گیا، جس سے معلوم ہوا کہ کم عمر میں اسکول شروع کرنے سے بچوں کی تعلیمی کارکردگی متاثر نہیں ہوتی بلکہ بعض کیسز میں بہتر نتائج بھی سامنے آئے ہیں، جبکہ نئی پالیسی کا مقصد بچوں کی تعلیمی تیاری، انصاف اور متحدہ عرب امارات کے تعلیمی نظام میں یکسانیت کو فروغ دینا ہے۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026