یو اے ای سے سفر کرنے والوں کیلئے ملٹی انٹری شینگن ویزا کے امکانات بڑھ گئے

متحدہ عرب امارات سے یورپ کا سفر کرنے والوں کے لیے ایک بڑی سہولت سامنے آنے والی ہے۔ یورپی یونین (EU) کی جانب سے ویزا اور بارڈر سسٹم میں کی جانے والی ڈیجیٹل اصلاحات کے تحت، یو اے ای کے بار بار سفر کرنے والے مسافروں کو اب طویل مدت کے ملٹی انٹری شینگن ویزے ملنے کے امکانات روشن ہو گئے ہیں۔ ان اصلاحات کا مقصد مسافر پروفائلنگ اور ڈیٹا شیئرنگ کے جدید نظام کے ذریعے ویزا کے عمل کو تیز بنانا اور بار بار درخواست دینے کی زحمت کو ختم کرنا ہے، جس سے سیاحت اور خاندانی دوروں میں بے پناہ آسانی پیدا ہوگی۔