اماراتی صدر اور روسی ہم منصب کا ٹیلی فونک رابطہ،دوطرفہ تعلقات اور علاقائی امور پر تبادلہ خیال

متحدہ عرب امارات کے صدر شیخ محمد بن زاید آل نہیان کو روسی صدر ولادیمیر پوتن کی جانب سے ٹیلی فون کیا گیا۔ سرکاری خبر رساں ایجنسی کے مطابق، اس رابطے کے دوران دونوں سربراہانِ مملکت نے یو اے ای اور روس کے درمیان موجود گہرے دوطرفہ تعلقات اور مختلف شعبوں میں جاری باہمی تعاون کا تفصیلی جائزہ لیا۔

گفتگو میں نہ صرف تجارتی و اقتصادی امور زیرِ بحث آئے بلکہ دونوں رہنماؤں نے موجودہ علاقائی اور بین الاقوامی صورتحال پر بھی تبادلہ خیال کیا۔ اعلامیے کے مطابق، یہ رابطہ دونوں ممالک کے درمیان جاری مستقل سفارتی روابط کا حصہ ہے جس کا مقصد مشترکہ مفادات کے شعبوں، بالخصوص توانائی اور سرمایہ کاری میں شراکت داری کو مزید مستحکم کرنا ہے۔ دونوں صدور نے مستقبل میں بھی قریبی رابطے برقرار رکھنے پر اتفاق کیا ہے۔