یو اے ای نے پاکستان کے قرض واپسی کی مدت میں 2 ماہ کی توسیع کردی
Web Desk
13 February 2026
اسلام آباد: متحدہ عرب امارات نے پاکستان کو اہم مالی ریلیف دیتے ہوئے 2 ارب ڈالر کے ڈپازٹ کی واپسی کی مدت میں دو ماہ کی توسیع کر دی ہے۔ سرکاری ذرائع کے مطابق یہ رقم مختصر مدت کے لیے رول اوور کی گئی ہے اور اب 17 اپریل تک مؤخر رہے گی۔
ذرائع کا کہنا ہے کہ متحدہ عرب امارات نے یہ توسیع 6.5 فیصد شرح سود پر دی ہے، جو پاکستان کے لیے موجودہ مالی حالات میں ایک اہم پیش رفت سمجھی جا رہی ہے۔ اس سے قبل قرض کی ایک ماہ کی توسیع ختم ہونے میں محض چار دن باقی تھے، جس کے باعث حکومتی سطح پر تشویش پائی جا رہی تھی۔
مالی ذرائع کے مطابق یہ توسیع پاکستان اور انٹرنیشنل مانیٹری فنڈ کے درمیان جاری تیسرے جائزہ مذاکرات کے تناظر میں نہایت اہمیت کی حامل ہے۔ حکام کا کہنا ہے کہ آئی ایم ایف سے بات چیت مکمل ہونے کے بعد پاکستان دوبارہ طویل مدتی رول اوور کے لیے متحدہ عرب امارات سے رابطہ کرے گا، جس سے متعلق اماراتی حکام کو آگاہ بھی کر دیا گیا ہے۔
یاد رہے کہ جنوری میں بھی رقم کی میعاد ختم ہونے پر متحدہ عرب امارات نے ایک ماہ کی توسیع فراہم کی تھی۔ ذرائع کے مطابق یو اے ای کی ایک ارب ڈالر کی تیسری قسط جولائی 2026 میں واجب الادا ہوگی۔
معاشی ماہرین کے مطابق یہ عارضی سہولت زرمبادلہ کے ذخائر کو مستحکم رکھنے اور عالمی مالیاتی اداروں کے ساتھ مذاکرات میں اعتماد کی فضا برقرار رکھنے میں مددگار ثابت ہو سکتی ہے۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026