یو اے ای میں سکولوں، یونیورسٹیز کیلئے ریموٹ لرننگ جمعہ تک برقرار رکھنے کا اعلان

متحدہ عرب امارات کے تعلیمی حکام نے ملک بھر کے تمام سرکاری اور نجی تعلیمی اداروں کو ہدایت کی ہے کہ وہ تدریسی عمل کو جمعہ تک آن لائن پلیٹ فارمز کے ذریعے جاری رکھیں۔ میڈیا رپورٹس کے مطابق یہ فیصلہ موجودہ علاقائی صورتحال کے تناظر میں احتیاطی اقدامات کے طور پر کیا گیا ہے تاکہ طلبہ اور اساتذہ کی سلامتی کو یقینی بنایا جا سکے۔

حکام نے واضح کیا ہے کہ تمام تعلیمی ادارے ڈیجیٹل پلیٹ فارمز (جیسے MS Teams یا Zoom) کے ذریعے اپنے باقاعدہ شیڈول کے مطابق کلاسز کا انعقاد کریں گے۔ اس دوران ضروری انتظامی امور اور خدمات حسبِ ضرورت جاری رہیں گی، تاہم طلبہ کو اسکول آنے کی ضرورت نہیں ہوگی۔ صورتحال کا مسلسل جائزہ لیا جا رہا ہے اور اگلے ہفتے کے حوالے سے فیصلہ حالات کے مطابق کیا جائے گا۔