یو اے ای نے پاکستان کے بھارت کے خلاف میچ بائیکاٹ کے فیصلے پر نظرثانی کی درخواست کر دی

اسلام آباد: سری لنکا کے بعد اماراتی کرکٹ بورڈ نے بھی پاکستان کے بھارت کے خلاف 15 فروری کے میچ نہ کھیلنے کے فیصلے پر نظرثانی کی درخواست کر دی ہے۔ ذرائع کے مطابق اماراتی کرکٹ بورڈ نے پاکستان کرکٹ بورڈ سے رابطہ کیا اور کرکٹ کے بہترین مفاد میں دوبارہ فیصلہ کرنے کی سفارش کی ہے۔

خیال رہے کہ بنگلادیش نے بھارت میں جاری ٹی ٹوئنٹی ورلڈکپ 2026 میں اپنی ٹیم کے لیے سیکیورٹی خدشات کی وجہ سے وینیوز کی تبدیلی کی درخواست کی تھی، جسے آئی سی سی نے مسترد کر دیا۔ احتجاجاً بنگلادیش نے ایونٹ سے دستبرداری کا اعلان کیا، جس کے بعد آئی سی سی نے بنگلادیش کو نکال کر اسکاٹ لینڈ کو شامل کیا۔

بعد ازاں پاکستان نے آئی سی سی کے اس اقدام کو دہرا معیار قرار دیا اور بنگلادیش کے ساتھ اظہار یکجہتی کرتے ہوئے بھارت کے خلاف میچ بائیکاٹ کا اعلان کیا، جس سے کرکٹ کی دنیا میں ہلچل مچ گئی۔