ایرانی حملوں کے بعد یو اے ای کا تہران میں سفارتخانہ بند کرنے کا اعلان

ابوظبی: متحدہ عرب امارات نے ایرانی حملوں کے بعد تہران میں اپنا سفارتخانہ بند کرنے کا اعلان کر دیا ہے۔

اماراتی وزارت خارجہ کے مطابق سفارتخانہ بند کرنے کا فیصلہ ملکی سلامتی اور خودمختاری کے تحفظ کے پیش نظر کیا گیا ہے۔ بیان میں کہا گیا ہے کہ تہران میں سفارتخانے کی بندش کے ساتھ سفیر اور سفارتی عملے کو بھی واپس بلایا جا رہا ہے۔

وزارت خارجہ نے ایرانی میزائل حملوں کی شدید مذمت کرتے ہوئے کہا کہ یہ حملے یو اے ای کی خودمختاری اور قومی سلامتی کے خلاف ہیں۔

دوسری جانب امریکی سفارتخانہ ابوظبی نے اپنے شہریوں کو ہدایت کی ہے کہ وہ خوراک، پانی اور ادویات کا ذخیرہ رکھیں۔ سفارتخانے کی جانب سے 2 سے 4 مارچ تک معمول کی قونصلر خدمات معطل کرنے کا بھی اعلان کیا گیا ہے۔