LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

فیروزوالہ میں مبینہ زہریلے نوڈلز کھانے سے دو بچیاں جاں بحق، بیکری سیل

Web Desk

21 November 2026

ضلع شیخوپورہ کے علاقے فیروزوالہ میں مبینہ طور پر زہریلے نوڈلز کھانے سے دو کمسن بہنیں جاں بحق ہو گئیں، جس کے بعد مقامی انتظامیہ نے فوری کارروائی کرتے ہوئے متعلقہ نجی بیکری کو سیل کر دیا ہے۔

تفصیلات کے مطابق اسسٹنٹ کمشنر، ایس ایچ او فیروزوالہ اور محکمہ فوڈ کی ٹیم نے مشترکہ طور پر مذکورہ نجی بیکری پر چھاپہ مارا، جہاں سے زائد المیعاد (ایکسپائرڈ) مشروبات کی بوتلیں، جوس اور دیگر غیر معیاری کھانے پینے کی اشیا برآمد ہوئیں۔

انتظامیہ کے مطابق بیکری کو فوری طور پر سیل کر دیا گیا ہے جبکہ محکمہ فوڈ کی جانب سے نمونے حاصل کر کے مزید قانونی کارروائی اور تحقیقات کا عمل جاری ہے۔

اس افسوسناک واقعے میں جاں بحق ہونے والی پانچ سالہ جنت اور سات سالہ مہک کی متاثرہ بہن عیشا افضال نے بتایا کہ انہوں نے تقریباً ایک ماہ قبل خریدے گئے نوڈلز رات کو پکا کر کھائے تھے۔

عیشا افضال کے مطابق نوڈلز کھانے کے بعد انہوں نے جوس بھی پیا، جس کے کچھ ہی دیر بعد تینوں بہنوں کی طبیعت اچانک بگڑ گئی اور الٹیاں شروع ہو گئیں۔ تشویشناک حالت میں تینوں بہنوں کو فوری طور پر قریبی ہسپتال منتقل کیا گیا۔

تاہم دورانِ علاج پانچ سالہ جنت اور سات سالہ مہک جانبر نہ ہو سکیں جبکہ عیشا افضال کی جان بچا لی گئی۔ پولیس اور متعلقہ حکام کا کہنا ہے کہ ہلاکت کی اصل وجوہات جاننے کے لیے پوسٹ مارٹم اور لیبارٹری رپورٹس سمیت مختلف پہلوؤں سے تحقیقات کی جا رہی ہیں۔