سرگودھا: دو گروپوں کے درمیان فائرنگ کا تبادلہ، خاتون سمیت 2 افراد زخمی

تھانہ جھال چکیاں کے علاقے اوتیاں میں دو گروپوں کے درمیان شدید فائرنگ کا تبادلہ ہوا، جس کے نتیجے میں ایک خاتون سمیت دو افراد زخمی ہو گئے ہیں۔ ذرائع کے مطابق فائرنگ کی اطلاع ملتے ہی پولیس موقع پر پہنچی تو مسلح ملزمان فائرنگ کرتے ہوئے وہاں سے فرار ہو گئے۔ واقعے میں زخمی ہونے والوں کی شناخت شہریار ولد خداداد اور مسرت بی بی زوجہ محمد اکرم کے نام سے ہوئی ہے، جنہیں فوری طور پر طبی امداد کے لیے ہسپتال منتقل کر دیا گیا ہے۔ پولیس نے واقعے کی قانونی کارروائی شروع کرتے ہوئے فرار ملزمان کی گرفتاری کے لیے چھاپے مارنے کا سلسلہ شروع کر دیا ہے۔