ترکیہ، قطر، پاکستان اور انڈونیشیا کے دفاعی تعاون بڑھانے کے معاہدے پر دستخط

ترکیہ، قطر، پاکستان اور انڈونیشیا نے چار طرفہ دفاعی تعاون کو فروغ دینے اور اپنی دفاعی صلاحیتیں مضبوط بنانے کے لیے ایک اہم تاریخی معاہدے پر دستخط کر دیے ہیں۔

ترک وزارتِ دفاع کی جانب سے جاری کردہ اعلامیے کے مطابق اس اہم دفاعی معاہدے پر دستخط قطر کے دارالحکومت دوحہ میں منعقدہ ایک تقریب کے دوران کیے گئے۔

معاہدے کے تحت چاروں دوست ممالک مشترکہ فوجی مشقوں، پیشہ ورانہ تربیتی امور، اور دفاعی تحقیق و ترقی (R&D) کے شعبوں میں باہمی تعاون کو فروغ دیں گے۔ ترک وزارتِ دفاع کا کہنا ہے کہ اس معاہدے کا بنیادی مقصد چاروں ممالک کی دفاعی صنعتوں کے درمیان مشترکہ شراکت داری کو استوار کرنا اور خطے میں پائیدار امن کے لیے عسکری صلاحیتوں کو مزید مضبوط بنانا ہے۔