ترکیہ :پرفیوم اسٹور میں آگ، چھ افراد جاں بحق، پانچ زخمی

ترکیہ کے صوبے قوجا ایلی میں ایک پرفیوم اسٹور میں شدید آتشزدگی میں چھ افراد جاں بحق اور پانچ زخمی ہو گئے ہیں۔ مقامی حکام کے مطابق زخمیوں میں سے ایک کی حالت تشویشناک ہے۔

یہ واقعہ مقامی وقت کے مطابق صبح نو بجے پیش آیا، پرفیوم اسٹور استنبول سے تقریباً ستر کلومیٹر دور ایک صنعتی علاقے میں واقع تھا۔ ریسکیو اہلکاروں نے بروقت کارروائی کرتے ہوئے آگ پر قابو پالیا، تاہم شدید آگ کی وجہ سے اسٹور کی دو منزلہ عمارت مکمل طور پر تباہ ہو گئی۔

مقامی حکام کا کہنا ہے کہ آگ لگنے کی وجوہات جاننے کے لیے تحقیقات جاری ہیں۔