ترکی میں ایک سال میں ڈیڑھ لاکھ سے زائد غیر قانونی تارکین وطن گرفتار، افغان شہریوں کی تعداد سب سے زیادہ

ترکی میں گزشتہ ایک سال کے دوران غیر قانونی تارکین وطن کے خلاف کارروائیوں میں شدت دیکھی گئی، جس کے نتیجے میں مجموعی طور پر ایک لاکھ 52 ہزار سے زائد افراد کو حراست میں لیا گیا۔

ترک مائیگریشن اتھارٹی کے اعداد و شمار کے مطابق، گرفتار شدگان میں سب سے زیادہ تعداد افغان شہریوں کی رہی، جن کی تعداد 42 ہزار سے زائد تھی۔ افغان شہریوں کے بعد سب سے زیادہ گرفتاری شامی شہریوں کی ہوئی، جبکہ ازبکستان، ترکمانستان اور ایران سے تعلق رکھنے والے افراد بھی بڑی تعداد میں حراست میں لیے گئے۔

سرکاری اعداد و شمار سے پتہ چلتا ہے کہ 2025 میں غیر قانونی تارکین وطن کی گرفتاریوں میں گزشتہ سال کے مقابلے میں کمی آئی ہے۔ 2024 میں ترکی بھر میں 2 لاکھ 25 ہزار سے زائد غیر قانونی مہاجرین کو حراست میں لیا گیا تھا۔