آبنائے ہرمز سے بارودی سرنگیں ہٹانا ایران کا درست سمت میں بڑا قدم ہوگا، ٹرمپ

امریکی صدر ڈونلڈ ٹرمپ نے کہا ہے کہ آبنائے ہرمز سے بارودی سرنگیں ہٹانا ایران کی جانب سے درست سمت میں ایک بڑا قدم ہوگا۔

سماجی رابطے کی ویب سائٹ ٹروتھ سوشل پر جاری اپنے پیغام میں ڈونلڈ ٹرمپ کا کہنا تھا کہ اگر ایران نے آبنائے ہرمز میں بارودی سرنگیں بچھائی ہیں تو انہیں فوری طور پر ہٹا دیا جائے۔

انہوں نے کہا کہ ہماری اطلاعات کے مطابق ایران نے ابھی تک ایسا نہیں کیا، تاہم ایران کو اس معاملے پر فوری اقدام کرنا چاہیے۔

امریکی صدر نے خبردار کیا کہ اگر بارودی سرنگیں نہ ہٹائی گئیں تو اس کے سخت فوجی نتائج برآمد ہوسکتے ہیں اور غیر معمولی فوجی ردعمل بھی سامنے آسکتا ہے۔