آبنائے ہرمزنہ کھولی گئی توجاتے جاتے ایران کے پاورپلانٹس، تیل کے کنویں  اورخارگ جزیرے کو تباہ کردیں گے، ٹرمپ

امریکی صدر ڈونلڈ ٹرمپ  نے ایران کو ایک بار پھر خبردار کیا ہے کہ وہ آبنائے ہرمز کو فوری طور پر کھولے بصورت دیگر امریکا ایرانی تیل کے کنوؤں اور بجلی گھروں کو نشانہ بنا سکتا ہے۔

ٹرمپ نے اپنے بیان میں کہا کہ امریکا ایران میں ایک نئی اور زیادہ معقول رجیم کے ساتھ سنجیدہ مذاکرات کر رہا ہے تاکہ امریکی فوجی کارروائیوں کا خاتمہ کیا جا سکے.

سوشل میڈیا پر جاری بیان میں انہوں نے لکھا کہ کافی پیش رفت ہو چکی ہے اور اگر کسی وجہ سے جلد معاہدہ نہ ہو سکا اور آبنائے ہرمز فوری طور پر نہ کھولا گیا  تو ہم ایران سے جاتے جاتے یہاں کے تمام بجلی پیدا کرنے والے پلانٹس، تیل کے کنوؤں اور خارگ جزیرے کو تباہ کر کے کریں گے، ساتھ ہی پانی صاف کرنے والے پلانٹس کو بھی تباہ کردیا جائے گا۔

ٹرمپ نے مزید کہا کہ یہ اقدام ان تمام امریکی فوجیوں اورشہریوں کی ہلاکت کا بدلہ ہوگا جنہیں ایران نے 47 سال کے دہشتگردانہ دور میں قتل کیا۔