ایرانی قیادت دوہرا مؤقف اختیار کر رہی ہے، ٹرمپ کا دباؤ برقرار رکھنے کا اعلان

امریکی صدر ڈونلڈ ٹرمپ نے ایران پر معاشی اور عسکری دباؤ برقرار رکھنے کے عزم کا اعادہ کرتے ہوئے تہران انتظامیہ پر دوہرے معیار کا الزام عائد کیا ہے۔ سوشل میڈیا پر جاری اپنے ایک بیان میں صدر ٹرمپ نے دعویٰ کیا کہ ایران ایک طرف مذاکرات کی درخواستیں کرتا ہے اور دوسری طرف ان سے مکر جاتا ہے، جبکہ یہ تاثر بھی دیتا ہے کہ وہ صرف عمان کی وساطت سے بات چیت میں دلچسپی رکھتا ہے۔ امریکی صدر کا کہنا تھا کہ آبنائے ہرمز پر امریکی بحریہ کی مکمل پیش رفت قائم ہے اور ان کی اجازت کے بغیر کوئی چیز ایران تک نہیں پہنچ سکتی۔ انہوں نے واضح کیا کہ تہران کے ساتھ یا تو باقاعدہ معاہدہ طے پائے گا یا پھر مکمل ہتھیار ڈالنے تک امریکی دباؤ جاری رہے گا، کیونکہ امریکا ایران کو کسی صورت ایٹمی ہتھیار حاصل کرنے کی اجازت نہیں دے گا۔