مظاہرین کے قتل پر خاموش نہیں رہیں گے، ٹرمپ کی ایران کو ایک بار پھر سخت وارننگ

امریکی صدر ڈونلڈ ٹرمپ نے ایک بار پھر ایران کو سخت انتباہ جاری کرتے ہوئے کہا ہے کہ اگر احتجاج کے دوران مظاہرین کے خلاف مہلک کارروائی کی گئی تو امریکا کی جانب سے بھرپور اور انتہائی سخت جواب دیا جائے گا۔

ایک انٹرویو میں گفتگو کرتے ہوئے صدر ٹرمپ نے کہا کہ انہوں نے ایران کو واضح طور پر بتا دیا ہے کہ اگر مظاہرین کو قتل کیا گیا، جیسا کہ ماضی میں ہوتا رہا ہے، تو امریکا خاموش نہیں بیٹھے گا۔ ان کا کہنا تھا کہ ایران میں عوام کے خلاف تشدد کسی صورت قابل قبول نہیں اور ایسے اقدامات کے سنگین نتائج ہوں گے۔

ٹرمپ کے اس بیان کو ایران میں جاری احتجاجی صورتحال کے تناظر میں ایک واضح سفارتی اور سیاسی پیغام قرار دیا جا رہا ہے، جس سے دونوں ممالک کے درمیان پہلے سے موجود کشیدگی مزید بڑھنے کا خدشہ ہے۔