وینزویلا میں 100 ارب ڈالر سرمایہ کاری کا پلان کررہے ہیں ، صدر ٹرمپ
Web Desk
9 January 2026
امریکی صدر ڈونلڈ ٹرمپ نے کہا ہے کہ امریکا وینزویلا میں 100 ارب ڈالر تک سرمایہ کاری پر غور کر رہا ہے، جس کا مقصد وینزویلا کی تیل صنعت کو دوبارہ تعمیر کرنا ہے۔
وائٹ ہاؤس میں آئل ایگزیکٹوز سے ملاقات کے بعد میڈیا سے گفتگو کرتے ہوئے صدر ٹرمپ نے بتایا کہ وینزویلا کی تیل صنعت کی بحالی کے مختلف پہلوؤں پر بات چیت کی جا رہی ہے اور اس بات کا فیصلہ کیا جائے گا کہ کون سی تیل کمپنیاں وہاں جائیں گی۔ ان کا کہنا تھا کہ تیل کمپنیاں وینزویلا کے بجائے امریکا سے براہ راست معاہدے کریں گی۔
صدر ٹرمپ کے مطابق امریکا فوری طور پر وینزویلا کے 5 کروڑ بیرل تیل کی ریفائننگ اور فروخت شروع کرے گا۔ انہوں نے انکشاف کیا کہ ایک آئل ٹینکر کو اس وقت پکڑا گیا جب وہ امریکا کی منظوری کے بغیر وینزویلا سے روانہ ہوا تھا۔ ٹرمپ کا کہنا تھا کہ وینزویلا کی جانب سے گزشتہ روز 30 ملین بیرل تیل فراہم کیا گیا۔
دوسری جانب امریکا کی بڑی آئل کمپنیوں نے وینزویلا میں سرمایہ کاری کے حوالے سے تحفظات کا اظہار کیا ہے، تاہم صدر ٹرمپ نے یقین دہانی کرائی کہ سرمایہ کاری کو مکمل تحفظ فراہم کیا جائے گا اور سرمایہ کاروں کو آمدنی بھی حاصل ہوگی۔
صدر ٹرمپ نے ایک سوال کے جواب میں دعویٰ کیا کہ اگر وہ موجود نہ ہوتے تو پاک بھارت جنگ جاری رہتی، اور انہوں نے 8 طیارے مار گرائے جانے کے بیان کو بھی دہرایا۔ مزید برآں، انہوں نے یہ بھی کہا کہ ایران میں مظاہرین نے ان کے نام پر ایک سڑک کا نام رکھ دیا ہے۔
متعلقہ عنوانات
سلامتی کونسل سندھ طاس معاہدے کی خلاف ورزیوں کا نوٹس لے: پاکستان
19 June 2026
خیبرپختونخوا کا آئندہ مالی سال کا 2280 ارب روپے کا بجٹ آج پیش کیا جائے گا
19 June 2026
لبنان، حزب اللہ، اسرائیل سمیت تمام محاذوں پر مکمل جنگ بندی کی توقع رکھتے ہیں: ٹرمپ
19 June 2026
امریکا اور ایران کے درمیان مذاکرات کا سلسلہ آج سوئٹرز لینڈ میں شروع ہوگا
19 June 2026
امریکا؛ سپریم کورٹ نے’چرسیوں‘ کو اسلحہ رکھنے کی اجازت دیدی
18 June 2026
امریکی فوج نے ایران کی بحری ناکہ بندی ختم کردی
18 June 2026
مغرب میں جمہوریت اور مشرق میں کمیونزم ناکام، حل اسلامی نظام میں ہے: مولانا فضل الرحمٰن
18 June 2026
وزیراعظم شہباز شریف اور ایرانی صدر ڈاکٹر مسعود پزشکیان کا تاریخی ٹیلیفونک رابطہ
18 June 2026